Dekha hai zindagi ko kuchh itna qareeb se
Chehre tamaam lagne lage hain ajeeb se
Is rengati hayaat kaa kab tak uthayen baar
Beemar ab ulajhne lage hain tabeeb se
Har gaam par hai majama-e-ushshaaq muntazir
Maqtal ki raah milti hai ku-e-habeeb se
Is traha zindagi ne diya hai hama ra saath
Jaise koi nibah raha ho raqeeb se
Ai rooh-e-asar jaag, kahan so rahi hai tu
Aawaz de rahe hain payambar saleeb se
Comments
Post a Comment
thanks