Khuddariyon ke Khoon ko arzaan na kar sake
Ham apne jauharon ko numayan na kar sake
Hokar Kharaabe mai tire gham to bhulaa diye
Lekin ghame hayaat ka darmaan na kar sake
Tootaa talisme ahde muhabbat kuchh is tarah
Phir aarzoo ki shamaa’ farozaan na kar sake
Har shai qareeb aa ke kashish apni kho gayi
Wo bhi ‘ilaaje shauqe gurezaan na kar sake
Kis darjah dil shikan the muhabbat ke haadse
Ham zindagi mein phir koi armaan na kar sake
Maayoosiyon ne chhin liye dil ke valvale
Wo bhi nashaatrooh ka samaan na kar sake
Comments
Post a Comment
thanks