Mere Mohsino Mere Doston Mujhe Zindagi Ki Dua Na Do
Main Tou Pyar Ke Qabeel Nahi Mujhe Dil Mein Itni Jagah Na Do
Mujhe Shauq-E-Zeest Na Raha Mujhe Zindagi Ne Diya Kya Hai
Main Maroon Yeh Mujhko Haq Hai ,Main Jeeun Yeh Mujhko Saza Na Do
Woh Bane The Mere Jo Humsafar Wohi Chal Diye Mujhe Chhod Ke
Main Jahan Se Aayi Hoon Ghamzada Mujhe Phir Wahin Se Sada Na Do
Iss Zindagi Ki Shaam Ka Mujhe Darr Tha Iss Anjaam Ka
Mujhe Ek Aansoo Ki Tarah Kahin Aankh Se Tum Gira Na Do
Iss Dayaar Mein Ik Saya-E-Deewar Mein
Main Jo So Gayi Hoon Chain Se Mujhe Phir Neend Se Jaga Na Do.
Comments
Post a Comment
thanks