Tang Aa Chuke Hain

Tang Aa Chuke Hain Kash-Ma-Kash-E-Zindagi Se Ham

Thukraa Na Dein Jahaan Ko Kahin Bedili Se Ham

Maayoosi-E-Mal-E-Muhabbat Na Poochhiye

Apnon Se Pesh Aaye Hain Begaanagi Se Ham

Lo Aaj Hamne Tor Diyaa Rishta-E-Ummeed

Lo Ab Kabhi Gilaa Na Kareinge Kisi Se Ham

Ubhreinge Ek Baar Abhi Dil Ke Valvale

Go Dab Gaye Hain Baar-E-Gham-E-Zindagi Se Ham

Gar Zindagi Mein Mil Gayee Phir Ittafaaq Se

Poochheinge Apnaa Haal Tiri Bebasi Se Ham

Allah Re Fareb-E-Masheeyat K Aaj Tak

Duniyaa Ke Zulm Sahte Rahe Khamushi Se Ham