Tum Ne Kitne Sapne Dekhe

Tum Ne Kitne Sapne Dekhe, Main Ne Kitne Git Bune

Is Duniyaa Ke Shor Men Lekin Dil Ki Dharkan Kaun Sune

Sargam Ki Aavaaz Pe Sar Dhunne Vaale Laakhon Paaye

Naghmon Ki Khilti Kaliyaan Chun-Ne Vaale Laakhon Paaye

Raakh HuAa Dil Jin Men Jal Kar Vo Angaare Kaun Chune

Tum Ne Kitne Sapne Dekhe, Main Ne Kitne Git Sune

Armaanon Ke Suune Ghar Men Har Aahat Be-Gaani Nikli

Dil Ne Jab Nazdik Se Dekhaa, Har Suurat Anjaani Nikli

Bojhal Ghariyaan Ginte Ginte Sadme Ho Gaye Laakh Gune

Tum Ne Kitne Sapne Dekhe, Main Ne Kitne Git Sune