gurez

gurez

Mera junoone wafa hai zavaal amadah

Shikast ho gaya tera fasoone zebae

Un aarzoon pe chhai hai garde maayoosi

Jinhon ne tere tabassum mein parvarish pae

Farebe shauq ke rangeen talism tut gaye

Haqeeqaton ne havadis se phir jala paayi

Sukoon o  khwab ke parde sarakte jate hain

Damagh o dil mein hai vahshat ki karfarmai

Vo taare jin mein muhabbat ka noor taban tha

Vo taare doob gaye le ke rang o ranae

Sula gayi thin jinhein teri multafat nazrein

Wo dard jaag uthe phir se le kar angrae

Ajeeb aalame afsurdagi hai roo ba-farogh

Na ab nazar ko taqaza na dil tamannae

Tiri nazar tire gesu, tiri jabeen tire lab

Miri udaas tabee’yat hai sab se uktae

Main zindagi ke haqaiq se bhaag aaya tha

K mujh ko khud mein chhupa le tiri fusoonzae

Magar yahan bhi taqub kiya haqaiq ne

Yahan bhi mil na saki jannate shakeb ai

Har ek haath mein le kar hazaar aaeene

Hayaat band dareechon se bhi guzar aayi

Mire har ik taraf se ek shor goonjaa hai

Aur us mein doob gayi ishraton ki shahnae

Kahan talak koi zindah haqeeqaton se bache

Kahan talak kare chhup chhup ke naghma pairae

Woh dekh samne ke purshikwa aivan se

Kisi kiraye ki larki ki cheekh takrae

Woh phir samaaj ne do pyaar karne vaalon ko

Sazaa ke taur pe bakhshi taveel tanhae

Phir ek teerah o taareek jhonpari ke tale

Sisakte bachche pe bevaah ki aankh bhar ae

Woh phir biki kisi majboor ki javaan beti

Woh phir jhukaa kisi dar pe gharoore barnae

Woh phir kisanon ke majmooa pe gunmashinon se

Haqooq yafta tabqe ne aag barsae

Sakoote halqae zindan se ek gooonj uthi

Aur us ke saath mire saathiyon ki yaad aayi

Nahin nahin mujhe youn multafat nazar se na dekh

Nahin nahin mujhe ab taabe naghma pairae

Merea junoone wafa hai zavaal aamaadah

Shikast ho gaya teraa fasoone zebae